ئەردۆغان: لە سەر سنووری عێراق و ئێران و سوریا دیوار دروستدەکەین

SNN

سەرۆککۆماری تورکيا رايگەياند: “لەسەر سنووری وڵاتەکەمان لەگەڵ ئێران و عێراق و سوريا ديوار دروستدەکەين بەمەبەستی رێگريکردن لە کۆچکردن بۆ ئەو وڵایە”.

رەجەب تەیب ئەردۆغان، سەرۆککۆماری تورکیا ئەمڕۆ هەینی لە کۆنفرانسێکی رۆژنامەنوسيدا رایگەیاند: “لە پرسی کۆچدا زۆر هەستیارین، هەربۆیە لە سنووری ئێرانەوە تا سنوورەکانی عێراق و سوریا دیوار دروستدەکەین، ئێستاش نزیکەی 300 هەزار کۆچبەری ئەفغانی لە وڵاتەکەماندا هەن”.

سەرۆکی تورکيا باسی لە رەوشی ئەفغانستان کرد وتی “هێرشەکەی داعش لە کابوول پيشانیدا کە ئەو رێکخراوە چ مەترسییەکە بۆ سەر ناوچەکە و جیهان”، دەشڵێت “گواستنەوەی هاووڵاتییان لە ئەفغانستانەوە بەشێوەیەکی چڕ بەردەوامە و حکومەتی تورکیا پلانێکی وردی بۆ گەڕاندنەوەی ئەو هاووڵاتییانە هەیە کە دەیانەوێت بگەڕێنەوە وڵاتەکەیان”.