پەرلەمان نرخی دۆلاری یەکلای کردەوە و دەڵێت ناگەرێتەوە ئاستەکەی جارانی

SNN

فەیسەڵ عیساوی ئەندامی لیژنەی دارایی لە پەرلەمانى عێراق بە لە کۆنگرەیەکی رۆژنامەوانیدا بە میدیاکانی راگەیاند: چاوخشاندنەوە و گفتوگۆکردن لەسەر دابەزاندنی دۆلار بەرامبەر دینار کارێکی ئەستەمە، ناکرێت بەهای دۆلار لە پڕۆژە یاسای 2022دا بکرێتەوە بە هەمان نرخی پێشووی.

ئەوەشی خستوەتەڕوو، حکومەتی عێراق لەژێر ڕۆشنایی نرخی ئێستای دۆلاردا نەخشەى ئابووری وڵاتی بۆ ساڵی داهاتوو داڕشتووە و ناکرێت نرخەکەی دەستکاری بکرێت، ئەو نرخی ئێستای دۆلار سودی زۆری هەبوو بۆ پڕکردنەوەی کورتهێنانی پڕۆژە یاسای 2021 و بووەتە بەشێك لە سیاسیەتی نەختینەى ئێستای حکومەت.

لە مانگی کانوونی یەکەمی ساڵی رابردوو بەبڕیارێکی حکومەتی عێراق و بانکی ناوەندی نرخی دۆلار بەشێوەیەکی بەرچاو بەرزبووەوە و هەر 100 دۆلارێك بە 145 هەزار دینار جێگیرکرا.