هاوپەیمانی فەتح كاندیدی بۆ پۆستی سەرۆکوەزیرانی داهاتوو هه‌یه‌

SNN

ئەمڕۆ چوارشەممە، نەعیم عەبودی، ئەندامی ئەنجومەنی نوێنەرانی عێراق، لە هاوپەیمانی فەتح رایگەیاند: دوو پرەنسیپ بۆ سەرۆکایەتی حکومەتی داهاتوو هەن، یەکەمییان ژمارەی کورسییەکان و چۆنییەتی هاوپەیمانێتییەکان، ئەگەر فەتح بتوانێت کورسی زۆر بەدەست بێنێت و لێکتێگەیشتنی لەگەڵ فراکسیۆنەکانی دیکە هەبێت، ئەوا هادی عامری بۆ پۆستی سەرۆک وەزیرانی داهاتوو کاندید دەکەن.

بڕیارە لە 10ی مانگی داهاتوو هەڵبژاردنی پێشوەختە ئەنجام بدرێت، هەزار و 79 بنکەی دەنگدان لە عێراق و هەرێمی کوردستان تەرخانکراون، 110 حزب و 22 هاوپەیمانی رکابەری دەکەن و کۆمسیۆن بانگهێشتنامەی بۆ 76 باڵیۆزخانە و رێکخراوی بیانی ناردووە بۆ چاودێری هەڵبژاردن، هاوکات 24 ملیۆن و 927 هه‌زار و 29 کەس مافی دەنگدانییان هەیە، 3 هەزار و 523 کاندید لە 83 بازنەی هەڵبژاردن رکابەری بۆ بەدەستهێنانی 329 کورسی پەرلەمانی عێراق دەکەن.