بۆ یەکەمجار لە 2019وە زیادەی دارایی روودەدات، و کورتهێنان لە داهاتدا نەماوە

SNN

ئەندامێکی لیژنەی دارایی لە ئەنجوومەنی نوێنەرانی عێراق رایگەیاند: بۆ یەکەمجار لە دوای ساڵی 2019وە عێراق زیادەی دارایی لە داهاتیدا دەبێت و هیچ کورتهێنان لە بودجەیدا نییەو مووچەی سەرجەم فەرمانبەرانیش بە مسۆگەری و بێ دواکەوتن و لێبرێن دابەشدەکرێت.

ناجی سەعدی ئەندامی لیژنەی دارایی لە لێدوانێکی میدیایدا ئەوەی راگەیاند: هیچ کێشەیەکی کورتهێنان لە بودجەی عێراق نەماوە و مووچەی فەرمانبەران هیچ مەترسییەکی لەسەر نییە، ئەو زیادەیەی کە لە بودجەدا هەیە دەتوانرێت لە “ترفیع و علاوە” سودی لێ وەربگیرێت و دووبارە فەرمانبەرانی عێراق مووچەکانیان بەرەو زیادبوون بڕواتەوە، سەرجەم فەرمانبەری وەزارەتەکان بەپێی پلەی کارکردنیان مووچەکانیان بۆ زیاد بکرێت.

دەربارەی بەرزەمووچە، یاخود ترفیع، سەعدی ئاماژەی بەوەکرد: چەندین ساڵە ترفیع و عەلاوەی فەرمانبەران وەستاوە و لە ئێستادا نێتێک هەیە بۆ دووبارە دەستپێکردنەوە و کۆمەڵێک وەزارەت ئامادەی خۆیان دەربڕیوە وەک وەزارەتی پەروەردە و دواتر دەستدەکرێت بە سەرجەم وەزارەتەکانی دیکەو بەرزە مووچە بۆ سەرجەم فەرمانبەران دەکرێت.