بە بەهای 85 ملیار دۆلار ئەمریکا چەک و فڕۆکەی لە ئەفغانستان جێهێشتووە

SNN

دێمێتری شۆگایۆڤ، سەرۆکی دەستەی هەماهەنگی تەکنیکی سەربازی رووسیا بە میدیای وڵاتەکەی رایگەیاند، ئەو چەک و کەلوپەلە سەربازیانەی ئەمەریکا لە ئەفغانستان بۆ چەکدارانی تاڵیبان جێهێشتووە بەهاکەی بە زیاتر لە 85 ملیار دۆلار مەزندە دەکرێت.

بە وتەی شۆگایۆڤ، ئەمەریکا دوای چۆڵکردنی ئەفغانستان ژمارەکی زۆر فڕۆکە و 100 هێلیکۆپتەر، 22 هەزار ئۆتۆمبێلی گولـلەنەبڕ و 358 هەزار پارچە چەکی سووک و 176 تۆپ و هەشت هەزار بارهەڵگری بەجێهێشتووە، ساڵی 2011 ئەمەریکا 63 هێلیکۆپتەری لە رووسیا بۆ ئەفغانستان کڕیوە و بەدووری نازانێت، ئەو هێلیکۆپتەرە رووسیانەشی بۆ چەکدارانی تاڵیبان جێهێشت بێت.

لە 31/8/2021، دوا سەربازی ئەمەریکا لە فڕۆکەخانەی کابول کشایەوە و زۆر لە چەک و تەقەمەنی لەو فڕۆکەخانەیە کەوتە دەست چەکدارانی بزووتنەوەی تاڵیبان