رێگری لە دەنگدانی حەشدی شەعبی لە دەنگدانی سەربازیدا بە “پیلانگێری” ناودەبرێت

SNN

مەحمود شامل بەرپرسی پەیوەندییەکانی و راگەیاندنی حەشدی شەعبی لە لێدوانێکدا رایگەیاند: کۆمسۆنی باڵای سەربەخۆی هەڵبژاردنەکانی عێراق رێگری کرد لەوەی کە چەکدارانی حەشدی شەعبی 8ی تشرینی یەکەم لەگەڵ هێزە عێراقییەکان و هێزەکانی ناوخۆ لە دەنگداندا بەشداری بکەن ئەمەنش پیلانگێری و زوڵمێکی بە مەبەستە کە لە حەشدی شەعبی دەکرێت.

شامل ئەوەشی بە میدیا عێراقییەکان راگەیاند: ئەم پلانگێرییە ناوخۆی و دەرەکییە کە دژ بە حەشد دەکرێت بۆ لاوازکردنی پێگەکانمان لە عێراقدا، بەڵام ئەوان نازانن کە پێگە و جەماوەری حەشد لە عێراقدا کۆڵەکەیەکی سەرەکییە بۆ داکۆکیکردنی لە مافەکانی تەواوی هاووڵاتیان عێراق لەگەڵ مووچەکانیان.

روونیشی دەکاتەوە، حەشدی شەعبی وەڵامی توند و یەکلا کەرەوەی دەبێت لەسەر بڕیارەکانی کۆمسیۆن، سەرەرای ئەوەی کە حەشد بە پلانێکی ورد و داریژراوی ناوخۆی و دەرەکی هەوڵی لاوازکردن و تواندنەوەی حەشد دەدرێت.