یۆنان: تورکیا بەمەبەست کۆچبەرمان بۆ دەنێرێت
ژمارەیەک کۆچبەر لە ئاودا
SNN
وەزیری پەنابەرانی یۆنان تورکیای تۆمەتبارکرد بەوەی بەمەبەست سنوورەکانی بۆ کۆچبەران دەکاتەوە تا لە رێگەی خاکی وڵاتەکەوە خۆیان بگەیەننە یۆنان و دواتریش وڵاتانی ئەوروپا.
نۆتیس میتاراکیس وەزیری پەنابەرانی یۆنان لە لێدوانێکیدا ئەوەشی خستەڕوو: “هەموو کۆچبەرێک کە دەگاتە یۆنان مافی پەنابەرێتی پێنادرێت لە وڵاتانی ئەوروپا”.
ئاماژەی بەوەشکرد: “پێویستە رێگەیەکی یاسایی بدۆزینەوە بۆ ئەو کۆچبەرانەی کە خوازیارن بگەنە ئەوروپا”.
ناڕەزاییەکانی وەزیری پەنابەرانی یۆنان لەکاتێکدایە شەپۆلی کۆچ لە تورکیاوە بەرەو ئەوروپا بەردەوامی هەیە و هەندێک جاریش رووداوی نەخوازراوی لێدەکەوێتەوە.
