رۆیتەرز: تورکیا خۆی بۆ هێرشکردنەسەر رۆژئاوای کوردستان ئامادە دەکات

SNN

بەرپرسانی تورکیا باس لە ئامادەکارییەکانی وڵاتەکەیان بۆ هێرشکردنە سەر باکوری سوریا دەکەن، بەڵام تائێستا کاتی ئەو پەلامارە نوێیەی ئەنقەرە بۆ سەر رۆژئاوای کوردستان دیارینەکراوە.

ئاژانسی رۆیتەرز لەزاری دوو بەرپرسی تورکیاوە بڵاویکردوەتەوە، ئەنقەرە دەستی بە ئامادەکاری کردوە بۆ هێرشکردنەسەر باکوری سوریا و ئەنجامدانی ئۆپراسیۆنیکی نوێی سەربازی دژی هێزە کوردییەکانی ئەو ناوچەیە.

باسیان لەوەشکردوە، “دەستپێکردنی ئۆپراسیۆنەکە پەویەستە بە ئەنجامی دانوستان و گفتوگۆکانی نێوان سەرۆکی تورکیا و هاوتا ئەمریکی و رووسییەکانیەوە، کە بریارە بەم نزیکانە لە پەراوێزی لوتکەی گروپی 20 لە رۆما کۆببنەوە”.

ئەو دوو بەرپرسەی تورکیا راشیانگەیاندوە: “ئەنقەرە بە بی هەماهەنگی و ئاگادارکردنەوەی مۆسکۆ و واشنتن دەست بە هێرشەکەی بۆ سەر باکوری سوریا ناکات”.

ئەمەش لە کاتێکدایە لە ماوەی رابردوودا بەرپرسانی تورکیا بە پاساوی کوژرانی دوو پۆلیسیان لە باکوری سوریا باسیان لەوەکردبوو، کە جارێکی تر هێرشدەکەنەوە سەر هێزە کوردیەکانی ئەو ناوچەیە.

لە ساڵی 2018ەوە تورکیا بە هاوکاری گروپە توندڕەوە سوریەکانی هاوپەیمانی دوو جار لەشکرکێشی بۆ سەر رۆژئاوای کوردستان ئەنجامداوە و دەستی بەسەر ناوچەکانی عەفرین، سەرێکانی و گرێ سپیدا گرتووە.