شێخ قەیس “خۆپیشاندان بکەن ئەوانەی کە دەزانن دەنگیان بەفیڕۆ چووە”

SNN

شێخ قەیس خەزعەلی، ئەمیندانی گشتی گروپی عەسائب ئەهلحەق، لە تویتێکدا پەیامێک ئاراستەی هاووڵاتیانی عێراق دەکات و دەڵێت: “هەر کەسێک هەست بەوە دەکات کە دەنگی بە فیڕۆ و بە زیادە چووە بە مانبگرێت و خۆپیشاندان ئەنجامبدات.”

قەیس دەڵێت: پێویستە ئەوانەی کە خۆپیشاندان دەکەن بەرژەوەندی گشتی و بەرژەوەندی تایبەت لەبەرچاو بگرن و پێویستە هێزە ئەمنییەکانیش پارێزەری گیانی خۆپیشاندەرانبن، وە دەستدرێژیش لە هیچ کەس قبوڵ ناکەین بۆ سەر کەسێکی تر، وە هەر کەسێکیش بیەوێت خراپە بەرامبەر عێراق و گەلەکەی و پیرۆزییەکان بکات، هەڵوێستێکی دیکەمان بەرامبەری دەبێت.

قەیس خەزعەلی و هادی عامری سەرۆکی کوتلەی فەتح و تا ڕادەیەک هاوسۆز لەگەڵ ئێران و گروپە چەکدارەکانی ئەو وڵاتە، هەر لە سەرەتای راگەیاندنی ئەنجامی دەنگدانەکانەوە و بەهۆی کەمی دەنگەکانیانەوە رەتیان کردەوە و رایانگەیاند کە ئەم ئەنجامانە سزادانی حەشدی شەعبی و سەرکردەکانیەتی لە عێراق بۆیە بێدەنگ نابین.