ئەڵمانيا 31 پەنابەری عێراقی دەستگيرکرد
دیمەنی ژمارەیەک کۆچبەر، ئەرشیف
SNN
پۆلیسی ئەڵمانیا رایگەیاند: “31 پەنابەر عێراقی لە ئۆتۆتمبێلێکی بچوکدا دەستگیرکردووە کە بەشێوەیەکی نایاسایی لە سنووری وڵاتی پۆڵەنداوە چوبوونە ناو خاکی ئەو وڵاتەوە”.
ميدياکانی ئەڵمانيا لە زاری پۆليسەوە بڵاويانکردەوە: “پۆلیس 31 کۆچبەری عێراقی دەستگیرکردووە کە لە 19 پیاو و دوو ژن و 10 منداڵ پێکھاتبوون و تەندروستیشیان باش نەبووە.
ئاماژەی بەوەشداوە: منداڵەکان پێڵاوەکانیان تەڕبووە و کاغەزی ئەلەمینیۆمیان لە پێیان پێچاوە و پێیان برینداربووە.
پۆلیسی ئەڵمانیا ئاشکرای کرد: کۆچبەرە عێراقییەکانی لە ویلایەتی مەڵکنبۆرگ – فۆربۆمرن لە نزیک سنوورەکانی ئەڵمانیا- پۆڵەندا دەستگیرکردووە و دواتر رەوانەی بنکەی پۆلیسی سفاڵک کراون.
