کشتوکاڵی هەرێم بڕیارێکی لە بەرژەوەندی جوتیاران دەرکرد

SNN

وەزارەتی کشتوکاڵی هەرێم رایگەیاند: بڕیارماندا بە دابەزاندنی نرخی بنەتۆ بۆ (530٫000) دینار بۆ هەر تەنێک لە پێناو بەرژەوەندی و پاڵپشتی ڕاستەوخۆی جوتیاران.

وەزارەتەکە رایگەیاندووە: بە مەبەستی دابین کردنی بنەتۆی گەنم لە تەرزی بەبڕشتی خۆماڵی، بڕیاردرا بە دابەزاندنی نرخی بنەتۆ بۆ( 530٫000)دینار، کە بە بەراوردی ئەم نرخە لە بازاڕەکانی جیهان و کوردستان لەسەرووی (1٫000٫000) یەک ملیۆن دینارە.

ئەم بڕیارە بە چاودێری وەزارەتی کشتوکاڵ و سەرچاوەکانی ئاو لە چوارچێوەی پرۆژەی بە بازاڕکردنی گەنمی جوتیاران لەلایەن کۆمپانیای جێبەجێکاری قەیوان و خۆشناو جێبەجێ دەکرێت و جوتیاران دەتوانن لە ئێستادا بە نرخی دیاری کراوی سەرەوە هەرزانتر لە نرخی بازاڕەکان بنەتۆی گەنم بەردەست بکەن، بە کوالێتی بەرز و بەبڕشت و تەرزی خۆماڵی، بەو ڕێژەیەی کە بەرهەم هێنراوە لە ساڵی پاردا.