ژمارەیەک زۆری کۆچبەر لە ئاوەکانی تورکیا و فەرەنسا و بەریتانیا لەخنکان رزگارکران

SNN

هێزەکانی چاودێری دەریایی تورکیا لە کەناراوەکانی شاری مەرمەریس لە پارێزگای مۆگلان توانیوانە 22 کۆچبەری نایاسایی لە خنکان رزگار بکەن، کە بە گوێرەی میدیاکانی تورکیا ئەو کۆچبەرانە لەلایەن هێزی دەریایی یۆنانەوە ناچار بە گەڕانەوە بەرەو سنووری تورکیا کرابوون.

لەلایەکی دیکەوە، هێزی دەریایی تورکیا لە هەرێمە ئاوییەکانی شارەکانی فوچا و دیکیلی سەر بە پارێزگای ئزمیر 55 کۆچبەریان دەستگیرکردووە، کە بەهۆی پەککەوتنی بەلەمەکانیان لە دەریادا سەرگەردان بووبوون.

ئاژانسی ئەنادۆڵ-ی تورکی هەواڵەکەی لەسەر زاری هێزی چاودێری دەریایی وڵاتەکەی بڵاوکردووەتەوە، بەڵام ئاماژەی بە رەگەزنامەی کۆچبەرەکان نەداوە و تەنیا رایگەیاندووە، کۆچبەرەکان رادەستی بەڕێوەبەرایەتی کۆچبەرانی مۆگلان کراون.

ئاژانسه‌كه‌ ئاماژه‌ی به‌وه‌ش كرد، هێزی دەریاوانی فەرەنسا رایگەیاندووە، سێ کۆچبەریان لە ئاوەکانی نێوان وڵاتەکەیان لەگەڵ بەریتانیا لە مردن رزگارکردووە.