تەندروستی عێراق کارتی ڤاکسين بۆ خوێندکاران دەردەکات
SNN
وەزارەتی تەندروستی عێراق رایگه‌یاند: کار لەسەر دەرکردنی کارتی کوتان دژی ڤایرۆسی کۆرۆنا بۆ خوێندکاران دەکه‌ن، ئاماژه به‌وه‌ش كراوه: رێژه‌ی كوتانی ڤاكسینی كۆرۆنا ئێستا زیادی كردووه، بۆیه پێویست ده‌كات كارتی تایبه‌تیان بۆ بكرێت.
ریاز حەلفی، بەڕێوەبەری تەندروستی گشتی، لە وەزارەتی تەندروستی و ژینگەی عێراق، بە ئاژانسی فەرمی عێراقی راگەياندووە: رێژەیەکی زۆری خوێندکارانی زانکۆ و خوێندنگاکان، ڤاکسینی دژە کۆرۆنایان وەرگرتووە، لەمەودوا کار بۆ دەرکردنی کارتی کوتان بۆ خوێندکاران دەکەین.
لەبارەی شەپۆلی چوارمی کۆرۆناشەوە ئاشكرای كرد: ئەگەر ژمارەی تووشبووان بەرەو بەرزبوونەوەی زیاتر چوو، مانای وایە شەپۆلەکە رووی لە عێراق کردووە.
