قەرزە دەرەکییەکانی سەر عێراق کەمبووەتەوە

SNN

راوێژکارێکی کازمی رایگەیان: قەرزە دەرەکییەکانی سەر عێراق بۆ 20 ملیار دۆلار کەمبووەتەوە.

مەزهەر محەمەد راوێژکاری کازمی بە میدیای فەرمی عێراقی وت: “بەھۆی بەزربوونەوەی نرخی نەوت لە بازاڕەکانی جیھاندا، قەرزە دەرەکییەکانی سەر عێراق بۆ 20 ملیار دۆلار کەمبووەتەوە، عێراقیش بەپێی ئەو کاتانەی دیاریکردووە، قەرزە دەرەکییەکان دەداتەوە”.
ڕایشیگه‌یاند: “عێراق لە ساڵی 2022دا، لە رووی دارایی و ئابوورییەوە، بوژانەوە بەخۆوە دەبینێت، ئەوەیش بەھۆی زیادبوونی خواست لەسەر نەوت و بەرھەمھێنانی نەوت لە عێراق بۆ 400 ھەزار بەرمیل نەوت لە رۆژێکدا”.
لە نیسانی رابردوودا راوێژکاری دارایی سەرۆکوەزیران رایگەیاندبوو کە قەرزە دەرەکییەکانی سەر عێراق بەھۆی شەڕەکانی دژبە داعش و جێبەجێکردنی چەند پرۆژەیەکی گرنگ، گەیشتووەتە 23 ملیار دۆلار.