ئەڵمانیا: کۆچبەرانی سنووری بێلاڕوسیا وەرناگرین
SNN
وەزیری ناوخۆی ئەڵمانیا رایگەیاند کە وڵاتەکەی ئەو کۆچبەرانە ناگرێتەخۆی کە لە بێلاڕوسیاوە هەوڵی چوونەناو ئەڵمانیا دەدەن.
هۆرست زیهۆفەر وەزیری ناوخۆی ئەڵمانیا ئاماژەی بەوەکرد کە ئەڵمانیا کۆچبەرەکان ناگرێتەخۆی و ئەو دەنگۆیانەش کە لەوبارەیەوە بڵاوکراونەتەوە دوورن لە راستییەوە.
ناوبراو سوپاسی پۆڵەندای کرد کە رێگری لە هاتنەناوەوەی کۆچبەرەکان کردووە و وتی پۆڵەندا لە بەرژەوەندی یەکێتی ئەوروپا کاریکردووە.
ئەم قسانەی وەزیرەکەی ئەڵمانیا دوای ئەوەدێت بە هەزاران کۆچبەری خەڵکی هەرێمی کوردستان تا ئێستا لە سنووری نێوان بێلاڕوسیا و پۆڵەندا ماونەتەوە بە ئومێدی ئەوەی رێگەیان پێبدرێت بچنە وڵاتانی دیکەی ئەوروپا، بەتایبەت ئەڵمانیا.
