زانیاری وردتر لەبارەی هێرشەکەی ئەمشەوی داعش لە بناری قەرەچوغ

SNN

شەوی رابردوو چەکدارانی داعش هێرشیان کردەسەر سەر گوندی خدرجیجەی سنوری قەرەچوغ و بەوهۆیەوە 11 پێشمەرگە و هاووڵاتی شەهید بوون و برینداریش هەیە، بەگوێرەی وەزارەتی پێشمەرگە “هێزەکانی پێشمەرگە ئۆپەراسیۆنێکی بەرفراوانیان لە ناوچەکەدا دەستپێکردووە”.

بە گوێرەی ئەو زانیاریانەی کە دەست SNN کەوتووە:کاتژمێر 10:13 خولەکی شەوی رابردوو چەکدارانی داعش لە سنوری گوندی خدرجیجەی بناری قەرەچوغ لە سنوری مەخموردا هێرشیانکردووەتەسەر هاووڵاتیان، شەڕ و روبەڕوبوونەوە لە نێوان دانیشتووانی گوندەکە و چەکدارەکاندا روویدا.
لە سەرەتادا سێ هاوڵاتی کە برای یەکتربوون و دانیشتووی گوندەکە بوون بەهۆی هێرشەکەوە شەهید بوون و دواتر هێزی پێشمەرگە بۆ شوێنی رووداوەکە گواستراونەتەوە.

لەکاتی شەڕ و رووبەڕووبوونەوە لە نێوان چەندارانی داعش و هێزەکانی پێشمەرگەدا حەوت پێشمەگەر کەوتوونەتە بۆسەیەکی داعشەوە و هەموویان شەهید بوون، ناوی ئەو پێشمەرگانەی لە بۆسەکەی داعشدا شەهید بوون: رائید نفی خولە، نەقیب فەخرەدین سەعید، کامەران پوشو، سەنگەر شەریف، شوکر ئەبوزێد قادر، یاسین محەممەد، نازم رەزا.

دوای ئەو رووداوە و لەکاتێکدا لەلایەن ئۆتۆمبێلی هێزەکانی پێشمەرگەوە بریندارەکان گواستراونەتەوە، ئۆتۆمبێلێک وەرگەڕاوە و بەوهۆیەوە شەهید و برینداریشی لێکەوتووەتەوە.

دوای ئەو هێرشانە، وەزارەتی پێشمه‌رگه‌ رایگەیاند: “دەبێت هێزەکانمان چاوكراوه‌تربن و به‌پلانی نوێی جه‌نگی سه‌نگه‌ره‌كانیان قایم بكه‌ن.”

لەماوەی چەند مانگی ڕابردوو چەکدارانی داعش بەشێوازی جیا جیا هێرشیان کردۆتە سەر دانیشتوانی گوندەکانی مەخمور و هێزە ئەمنیەکانی ئەو سنورە و هاووڵاتییان دەرفێنن و لەبەرامبەر ئازاد کردنیاندا داوای بڕە پارەیەکی زۆریان لێدەکەن