نرخی نەوت بەشێوەيەکی بەرچاو بەرزبووەوە

SNN

دوای ئەوەی لە چەند رۆژی رابردوودا بەهای نەوت لە بازاڕەکانت جیهان بە شێوەیەکی چاوەڕوان نەکراوە دابەزی نرخی هەر بەرمیل نەوتێک گەيشتە 68 دۆلار، لە ئێستادا بۆ سەروو 76 دۆلار بەرز بووەتەوە.

ئەمڕۆ پێنجشەممە 9ی کانونی يەکەمی 2021، بەرمیلێک نەوتی خاوی برێنت بەرامبەر  76دۆلار و  42سەنت مامەڵەی پێوەدەکرێت، هاوکات نرخی بەرمیلێک نەوتی خاوی ئەمەریکی بەرامبەر 73 دۆلار و  6سەنت مامەڵەی پێوەدەکرێت و ئەویش نرخەکەی زیاتر لە 4% بەرزبووەتەوە.

شارەزايانی ئابووری هۆکاری دابەزين و بەرزبوونەوەی نرخی نەوت بۆ بڵاوبوونەوەی ڤايرۆسی کۆرۆنا لە جۆری ئۆميکرۆن لە ئەفريقا و بەشێک لە وڵاتان دەگێڕنەوە، هەروەها هۆکاری گۆڕانکاری بەردەوام لەم چەند هەفتەيەدا بۆ کەمبوون و زيادبوونی خواست لەسەر نەوت دەگەڕێننەوە.