مەکگۆرک: لە عێراقەوە هێرشناکەینە سەر دراوسێکانی
SNN
برێت مەکگۆرک رایگەیاند ئەمریکا ئاسمانی عێراق بەکارناهێنێت بۆ هێرشکردنەسەر وڵاتانی دراوسێی.
برێت مەکگۆرک هەماهەنگیکاری راوێژکاری ئەنجومەنی ئاسایشی نیشتمانی ئەمریکا بۆ کاروباری رۆژهەڵاتی ناوەڕاست و باکووری ئەفریقا لە میانی کۆبوونەوەیەکی لەگەڵ قاسم ئەعرەجی دڵنیایی ئەوەیدا: “ئەمریکا پابەند دەبێت بە ستراتیجییەکانی لە عێراق و ئاسمانی عێراق بەکارناهێنین بۆ هێرشکردنەسەر وڵاتانی دراوسێی”.
مەکگۆرک وتیشی: “ئەمریکا هیچ هەڕەشەیەک ناکاتەسەر هیچ وڵاتێک و ستراتیجی ئەمریکا پەیوەستە بە سەروەری و بنیادنانی حکومەتێکی بەهێز لە عێراق”.
بەهۆی هەڕەشەکانی ملیشیاکانی نزیک لە ئێران بۆ سەر هێزەکانی ئەمریکا، پێشتر ترس لە وەڵامی توندی ئەمریکا بۆ ئێران دەکرا و مەکگۆرک ئەو نیگەرانیانە کۆتایی پێدەهێنێت.
