ئەمساڵ زۆرترین مۆڵەتی هاوردەكردنی كاڵا بە مەرزی حاجی ئۆمەران دراوە و كەمترینیش بە باشماخ

نەوزاد شێخ كامیل، بەڕێوەبەری گشتی بازرگانی لە وەزارەتی بازرگانی و پیشەسازی حكومەتی هەرێم | فۆتۆ: SNN
SNN-عەلی حەمەسەعید
بەڕێوەبەری گشتی بازرگانی هەرێم ئاماژە بەوەدەكات لەماوەی 12 مانگی ڕابردووی ئەمساڵەوە چوارهەزار و 874 مۆڵەتی بازرگانی دراوە بەكۆمپانیاكان بۆ هێنانی كاڵا لە دەروازە سنوورییەكانەوە كە زۆرترین مۆڵەتیشیان لە دەروازەی حاجی ئۆمەرانەوە بووە، و مەرزی باشماخیش كەمترین مۆڵەت دراوە هاوكات بە بەراورد بە ساڵی ڕابردووش قەبارەی بازرگانی هەرێم لەگەڵ دەرەوە بە ڕێژەی لە %15 زیادیكردووە.
نەوزاد شێخ كامیل، بەڕێوەبەری گشتی بازرگانی هەرێم بە SNNی ڕاگەیاند: كاری بازرگانی لە دەروازە سنووریەكانی هەرێم بە بەراورد بە ساڵی ڕابردوو زیادیكردووە، بەجۆرێك لە 1/1/2021 تا بەرواری 15/12/2021 بەڕێوبەرایەتی بازرگانی هەرێم چوار هەزار و 874 مۆڵەتی بازرگانیمان بەكۆمپانیا بازرگانیەكان داوە لەو ژمارەیەش سێ هەزار و 304 مۆڵەتیان بۆ هێنانی كاڵا بووە لەدەروازەی ئیبراهیم خەلیل هەورەها چوارهەزار و 455 مۆڵەتیشان بۆ هێنانی كاڵا بووە لەدەروازەی حاجی ئۆمەران، هاوكات 341 مۆڵەتیشیان لەدەروازەی باشماخ و 361 مۆڵەتیش بۆ هێنانی كاڵا لەدەروازەی پەروێزخانەوە بووە.
ئاماژەی بەوەشكرد، هەرلە ماوەی ئەمساڵدا 294 مۆڵەتیش لە فرۆكەخانەی هەولێر و هەروەها 119 مۆڵەتیش لە فڕۆكەخانەی سلێمانییەوە دراوە بە كۆمپانیاكان بۆهاوردەكردنی كاڵا، بۆیە بەبەراورد بەساڵی رابردوو كاری بازرگانی لەهەرێم زیادی كردووە بەجۆرێك ساڵی ڕابردوو چوارهەزار و 374 مۆڵەتی بازرگانیمان داوە بە كۆمپانیاكان بەڵام ئەمساڵ 500 مۆڵەتی بازرگانی زیاترمانداوە لەمساڵیشدا زۆرترین كاڵا كە هێنراوەتە هەرێمی كوردستان خۆراكە بەهەموو جۆرەكانیەوە، پاشان كەرەستەی بیناسازی و دەرمان و پێداویستی كشتوكاڵی و چەند پێداویستیەكی دیكە.
بەڕێوەبەری گشتی بازرگانی هەرێم ئەوەشی خستەڕوو، بەشێوەیەكی گشتی قەبارەی بازرگانی لەهەرێمی كوردستان بەبەراورد بەساڵی ڕابردوو بەڕێژەی 15% زیادی كردووەو تاڕادەیەك بارودۆخی بازرگانی لە ئاستێكی باشدایە، بەڵام هێشتا زیاتر پێویستمان بەخۆ ڕێكخستنەوەو ئیدارەدان هەیە، بەتایبەت سوودوەگرتن لەسیستەمی سەردەیانەی تەكنۆلۆژیا لەبواری ئاڵوگۆڕی بازرگانی و كۆتایی هێنان بە ڕێكارە كۆنەكان.
هەواڵی زیاتر
-
نرخی مریشك دابەزینی بەرچاوی بەخۆیەوە بینی
12كاتژمێر لهمهوپێش -
عەلی زەیدی: بێبەرامبەر زەوی بەو خێزانانە دەدرێت کە خانووی خۆیان نییە
14كاتژمێر لهمهوپێش -
دووەمین کۆڕبەندی ئابورى نێودەوڵەتی دێلفی لەسلێمانی دەبەسترێت
14كاتژمێر لهمهوپێش -
مارکۆ ڕۆبیۆ: “مۆندیال بۆ ئەندامانی سوپای پاسداران قەدەغەیە”
15كاتژمێر لهمهوپێش
دەربارەی ئێمە
ئەرکمان پێدانی هەواڵی ڕاست و دروستە دەربارەی هەرێمی کوردستان و عێراق و ناوچەکە بە گشتی، لە ڕێگەی ستانداردەکانمانەوە هەوڵ بۆ باشترینەکان دەدەین.
ئەگەر لەبیرت کرد
-
نرخی مریشك دابەزینی بەرچاوی بەخۆیەوە بینی
12كاتژمێر لهمهوپێش -
عەلی زەیدی: بێبەرامبەر زەوی بەو خێزانانە دەدرێت کە خانووی خۆیان نییە
14كاتژمێر لهمهوپێش -
دووەمین کۆڕبەندی ئابورى نێودەوڵەتی دێلفی لەسلێمانی دەبەسترێت
14كاتژمێر لهمهوپێش
بنکۆڵکاری
-
هەولێر شاری باڵەخانە بەرزەکان بەڵام بێ ژێرخان
كانونی دووهم 5, 2022 -
بڵاوبوونەوەی ڤيديۆی سێکسی لە تۆڕەکۆمەڵايەتييەکاندا
تهمموز 6, 2021








