نرخی نەوت بەردەوامە لە بەرزبوونەوە و ئاستێکی نوێی تۆمارکرد

SNN

لە ماوەی چوار هەفتەی رابردوودا نرخی نەوت دابەزینێکی بەرچاوی بەخۆوە بینی و نرخەکەی لە 85 دۆلارەوە دابەزی بۆ نزیکەی 72 دۆلار، ئەویش بەهۆی بڵاوبوونەوەی ڤایرۆسی کۆرۆنای گۆڕاوی ئۆمیکرۆن، لەکاتی ئێستادا بەوت دووبارە دەستی کردووە بە بەزربوونەوە.

ئەمڕۆ سێشەممە 28ی کانونی یەکەم، نرخی یەک بەرمیل نەوتی خاوی برێنت لە بازاڕەکانی جیهاندا بە 78 دۆلار و 82 سەنت مامەڵەی پێوەکراوە، هەروەها بەرمیلێک نەوتی خاوی ئەمەریکیش تەکساس بە 75 دۆلار و 90 سەنت مامەڵەی پێوەکراوە.

دوای ئەوەی کە دەرکەوت کۆرۆنای گۆڕاوی ئۆمیکرۆن مەترسییەکانی لە کۆرۆناکانی پێش خۆی کەمترە و کەمتر دەبێتە هۆی مردن، خێرا ئەم هەواڵە کاریگەریکردە سەر نرخی نەوت و پێشبینی دەکرێت لە ماوەی زۆر کەمدا بگاتەوە ئاستەکەی مانگی رابردووی.