دووبارە لیرەی تورکی بەشیوەیەکی بەرچاو دابەزی

SNN

نرخى لیرەى تورکى دابەزینێکى دیکەى تۆمارکرد و بەرەو لەدەستدانى دەستکەوتەکانى هەفتەى پێشووى هەنگاو دەنێت، ئەگەر ترسی وەبەرهێنەران بەردەوام بێت لەبارەى پێشبینى سیاسەتى نەختینەیی وڵات، بەهاى لیرە بەرانبەر دۆلار بۆ 13.34 لیرە دابەزى، لەکاتێکدا ئێوارەى دوێنێ لەکاتى داخستندا یەک دۆلار بەرانبەر 12.61 لیرە بووە.

هەفتەی رابردوو دوای ئەوەی بەهای یەک دۆلاری ئەمریکی 18.5 لیرەی تێپەڕاند، لە هەوڵێکی ئەردۆغاندا و بە چەند بڕیارێک سودی کەمکردەوە، ئەمەش وای کرد بەهای لیرە بەرزبێتەوە بۆ 11.5 لیرە بەرامبەر هەر دۆلارێک، بەڵام لە 48 کاتژمێری رابردوودا دووبارە لیرە دەستیکردەوە بە دابەزین و چاودێری ئابووری پێشبینی ئەوە دەکەن کە ئەگر ئەمجارە لیرە دەستبکاتەوە بە دابەزین ‌هیچ شتێک ناتوانێت رێگریبێت.