لەبارەی یارییە ئاگرینەکانەوە هۆشداری دەدرێت

SNN

وەزارەتی تەندروستی عێراق هۆشادارییەکی بڵاوکردەوە لەبارەی ئاهەنگەکانی سەری ساڵی زاینییەوە و دەڵێت هەموو ساڵێک قوربانی لێدەکەوێتیەوە.

ئەمڕۆ هەینی، سەیف بەدر وتەبێژی وەزارەتی تەندروستی عێراق رایگەیاند، هەموو ساڵێک یارییە ئاگرینەکان دەبنە هۆی خستنەوەی قوربانی، کە بەشێکیان برینداربوونی کەم و بەشێکیان برینداربوونی سەخت و هەندێک جار لەدەستدانی چاو و لوت و ئەندامانی جەستە، هەندێک جاریش گیانلەدەستدانی لێدەکەوێتەوە.

وتەبێژەکەی وەزارەتی تەندروستی دەڵێت: پێویستە هەمووان بە وریاییەوە مامەڵە بکەن و ئەو یارییە ئاگرینانە دووری بخەنەوە لە دەستی منداڵ و هەرزەکاران. دەشڵێت، لە ئێستادا نەخۆشخانەکان بەهۆی ڤایرۆسی کۆرۆناوە فشاریان لەسەرە و ئەو جۆر رووداوانەش ئەرکی بنکە تەندروستییەکان زیاتر دەکەن، هاوکات پێویستە تەواوی شوێنە گشتییەکان و خواردنگەکان و مۆڵەکان پابەندبن بە هێشتنەوەی ماوەی سەلامەتی نێوان سەردانیکارانیان و ماددەی پاککەرەوە بۆ هاووڵاتیان دابنێن.