نرخی نەوت لە بازاڕە جیهانییەکان

SNN

ئەمڕۆش نرخی نەوت لە بازاڕە جیهانییەکان بە بەرزی مایەوە و یەک بەرمیل نەوتی خاوی برێنت لە سەرووی 88 دۆلارەوە مامەڵەی پێوەدەکرێت.

ئەمڕۆ هەینی لە کاتی کردنەوەی بازاڕە جیهانییەکانی وزە نرخی یەک بەرمیل نەوتی برێنت بە 88 دۆلار و 22 سەنت بوو، بەڵام دواتر گەیشتە 88 دۆلار و 90 سەنت.

هاوکات یەک بەرمیل نەوتی خاوی رۆژئاوای تەکساسیش کە لە کاتی کردنەوەی بازاڕدا بە 86 دۆلار و 78  سەنت بوو دواتر بۆ 87 دۆلار و 58 سەنت بەرزبووەوە.

ماوەی چەند رۆژێکە ننرخی نەوت بەردەوام رووی لە بەرزبوونەوە کردوە و رۆژی چوارشەممە نرخی یەک بەرمیل نەوتی برێنت گەیشتە سەرووی 90 دۆلار کە ئەمەش بەرزترین نرخی تۆمارکراوە لە ساڵی 2014ەوە.