دابەشکردنی نەوت لە سنووری سلێمانی بەردەوامە

SNN

بەڕێوەبەرايەتی نەوت و كانزاكانی سلێمانی رایگەیاند: لەسنوورەكانی بێتواتە وسەنگەسەر بەرمیلێك نەوت بەسەر هاووڵاتیاندا بەنرخی 55 هەزار دینار دابەشدەكرێت.

بەڕێوەبەرایەتی نەوت و كانزاكانی سلێمانی بڵاویكردەوە: ئەمڕۆ 5ی 2ی 2022 نەوت لەسنورەكانی بێتواتەو سەنگەسەر دابەشدەكرێت، رونیشیكردووەتەوە: بۆ هەر خێزانێك بڕی 200 لیتر بەنرخی 55 هەزار دینار دابەشدەكرێت.

رۆژی 2ی ئەم مانگە، ماڵپەڕی فەرمی حکومەتی هەرێمی کوردستان بڵاويکردەوە: تا ئێستا زياتر لە 74 مليۆن ليتر نەوت دابەشکراوە، لەو ژمارەيەش زياتر لە 17 مليۆن ليتر لە سلێمانی، 35 مليۆن ليتر لە هەولێر، 19 مليۆن ليتر لە دهۆک، 2 مليۆن ليتريش لە هەڵەبجە دابەشکراوە.