لە هەولێر خۆپيشاندانە

SNN

ئەمڕۆ، کاسبکارانی عەلوەی هەولێر گردبوونەتەوە و رێگای هەولێر- موسڵيان داخستووە و دەڵێن بەهۆی کردنەوەی عەلوەيەکی نوێ کارەکانيان بەباشی بەڕێوەناچێت.

بەشێك لەكاسبكارانی عەلوەی هەولێر دژی بڕیاری داخستنی شوێنەكانیان، كە بەرهەمی شوتی و كاڵەكی تێدا دەفرۆشن، خۆپیشاندانیان دەستپێكرد و وەک خۆیان دەڵێن، بەپێی گرێبەستەكەیان دەبێت تاوەکو ساڵی 2038 لەشوێنی خۆیان بمێننەوە بۆ ئەو مەبەستەش پارەیان داوە، بەڵام ئێستا بڕیاردراوە بەداخستنی شوێنەكانیان و گواستنەوەیان.

ئەو کاسبکارانە دەڵێن “بەرپرسان داوامان لێ دەکەن بگوازينەوە عەلوەی نوێ، کرێی ئەوێ زۆرە و ئیمەش توانای ئەوەمان نييە ئەو کرێيە بدەين، ئەگەر داواکارييەکانمان جێبەجێنەکرێت بەردەوام دەبين لە داخستنی رێگاکە”.

کاسبکار و کرێکارانی ناو عەلوەکە باس لەوەشدەکەن “ئەگەر عەلوەی هەولێر بگوازرێتەوە کاری عەلوەکە دەدرێتە کەس و لايەنی دياريکرا و ئێمە بێ کار دەبين”.