شەپۆلێکی بەفر و باران روو لە سەرتاسەری هەرێم دەکات

SNN

شاڵاو هیدایەت پێشبینیکاری کەشوهەوا، لە نوێترین بەدواداچوونیدا دەربارەی شەپۆلی باران و خۆڵبارین راگەیاند: ئەمشەو سبەی شەممە بەتایبەت ئاسمانی ناوچەکان لەنێوان نیمچە هەوری و هەوریدا دەبێت، لەهەندێک ناوچە بارانێکی لاوازی کەم هەیەو زیاتر بەشێوەی نمە و کاتی لەگەڵ بەفرێکی کەم لەهەندێ ناوچەی شاخاوی سنووری.

دەشڵێت: کەش سبەی بە زۆری و زیاتر لە نێوان نیمچە هەوری هەوریدا دەمێنێتەوە لەگەڵ دابارینێکی کەم و لاواز بۆ هەندێ ناوچە خێرایی با ئاسایی بۆ مام ناوەند دەبێت پلەکانی گەرما بەنزمی دەمێنێتەوە و سەبارەت بەخۆڵبارینیش ئەمشەو بەردەوامەو سبەی لاواز دەبێ لەگەڵ هاتنی شەپۆلی تری داهاتوو تەواو کۆتایی پێدێنێت.

روونیشیدەکاتەوە” رۆژی یەکشەممە بە زۆری شەوی یەکشەممە لەسەر دووشەممە بۆ کاتی جیای دووشەممە شەپۆلێکی باران و بەفر ناوچەکانمان دەگرێتەوە بەشێوەی سەرتاسەری بەگەرمیان و کەرکوکیشەوە سەرچاوەی شەپۆلەکە دەریای ناوەڕاستە و زیاتر شێوەی زستانی دەبێت”.