هه‌په‌گه کوژرانی 14 سەربازی تورکیا رادەگەیەنێت
SNN
هێزه‌کانى پاراستنى گه‌ل (هه‌په‌گه) رایگەیاند، لەماوەی دوو رۆژدا هێزەکانیان لە ئاڤاشین، هه‌رێمى زاپ و هه‌رێمى خواکورک رووبەڕووی هێزەکانی تورکیا بونەتەوە و لە ئەنجامدا 14 سەربازی سوپای ئەو وڵاتە کوژراون.
هێزه‌کانى پاراستنى گه‌ل (هەپەگە) لەراگەیەنراوێکدا باسی لەوەشکردوە، به‌رخۆدانى هێزه‌کانیان له دژى هێرشى سەربازی تورکیا به‌رده‌وامه، لەو ماوەیەشدا به پێشه‌نگایه‌تى هێزەکانی یه‌ژا ستار 14 سەربازی سوپای تورکیا کوژراون و چه‌ند بنکەیەکی سوپای ئەو وڵاتەش تێکدراون، رۆژی 3ى ئایار له‌ناوچه‌ى پاراستنى وه‌رخه‌ل هێزه‌کانیان هێرشیانکرده سه‌ر هێزەکانی سوپای تورکیا له گردى وه‌خه‌لى، هەروەها لە هه‌رێمى زاپ وخواکورک، چه‌ندین سەربازی تورکیا کوژراون، لەو ماوەیەشدا سوپای تورکیا 19 جار بۆردومانی ناوچەکانی هەرێمی خواکورکی کردووە.
