بەهۆی کەوتنەوەی ئاگرەوە دوو هاوسەر گیانیان لەدەستدا
SNN
بەرەبەیانی ئەمڕۆ ئاگر لە ماڵێکی گەڕەکی بەکرەجۆی سلێمانی کەوتەوە و لەئەنجامدا دوو کەس مردن کە هاوسەری یەکترن و کەسێکی دیکەش برینداربوو.
سامان نادر، لێپرسراوی سەنتەری فریاکەوتنی خێرا(122) رایگەیاند،” بەرەبەیانی ئەمڕۆ هەینی، لە گەڕەکی بەکرەجۆی سەر بە پارێزگای سلێمانی، لەنزیک قوتابخانەی بەردەقارەمانی بنەڕەتی ئاگر لە ماڵێک کەوتەوە و بەهۆیەوە ژن و مێردێک سوتان و گیانیان لەدەستدا و کەسێکی دیکەش برینداربووە”.
راشیگەیاند،” پیاوەکە ناوی (موحسین ئەحمەد)ە و تەمەنی 39 ساڵە و ژنەکەش ناوی (سیڤان حسێن)ەو تەمەنی 38 ساڵە، لەئێستادا تەرمەکانیان رەوانەی پزیشکی دادی سلێمانی کراوە و بڕیارە کەمێکی دیکە رادەستی کەسوکارەکانیان بکرێنەوە”.
