سبه‌ى پله‌ى گه‌رمى له 3 پارێزگاى عێراق 50 تێده‌په‌ڕێنێت
هاووڵاتییه‌ك ئاو به رووخساریدا ده‌كات به‌هۆى به‌رزى پله‌كانى گه‌رماوه | فۆتۆ: هه‌وراز ئه‌حمه‌د / SNN
SNN
به‌پێى پێشبینییه‌كانى ده‌سته‌ى كه‌شناسى عێراق سبه‌ى پله‌كانى گه‌رما له سێ پارێزگاى عێراق ده‌گه‌نه سه‌روو 50 پله‌ى سیلیزى.
ئه‌مڕۆ یه‌كشه‌ممه 17ى ته‌مموز، ده‌سته‌ى گشتى كه‌سناسى و بومه‌له‌رزه‌زانى عێراق له راگه‌یه‌نراوێدا رایگه‌یاند، “سبه‌ى دووشه‌ممه پله‌كانى گه‌رما به‌شێوه‌یه‌كى به‌رچاو به‌رزبوونه‌وه به‌خۆیانه‌وه ده‌بینن به‌شێوه‌یه‌ك له سێ پارێزگاى عێراق كه بریتین له: به‌سره، میسان و موسه‌نا پله‌كانى گه‌رما ده‌گه‌نه سه‌روو 50 پله‌ى سیلیزى”.
ده‌سته‌ى گشتى كه‌سناسى و بومه‌له‌رزه‌زانى عێراق له باره‌ى كۆتایی ئه‌و شه‌پۆله گه‌رمایه‌ى كه رووى له عێراق كردووه ئه‌وه‌شى روونكردووه‌ته‌وه، “ئه‌و شه‌پۆله گه‌رمایه‌ى كه رووى له عێراق كردووه تاوه‌كو دووسبه‌ى 19ى ته‌مموز، به‌رده‌وام ده‌بێت”.
كه‌شناسى عێراق ئه‌وه‌شى ئاشكرا كردووه، “له رۆژى چوارشه‌ممه‌وه پله‌كانى گه‌رما دووباره نزمبووه‌نه‌وه به‌خۆیانه‌وه ده‌بینن و شه‌پۆلى گه‌رما كۆتایی پێدێت”.
