به‌هۆى خراپى كواڵتیه‌كه‌یه‌وه قایمقامى دوكان به‌نزینى 800 دینارى ده‌گه‌ڕێنێته‌وه
وێنه‌ى ئه‌و به‌نزینه‌ى كه گه‌ڕێندراوه‌ته‌وه | فۆتۆ: قایمقامیه‌تى دوكان
SNN
قایمقامی دوکان رایده‌گه‌یه‌نێت، به‌هۆى خراپى كواڵتیه‌كه‌یه‌وه بڕیارماندا پشكى به‌نزیكى 800 دینارى بگه‌ڕێنینه‌وه و دابه‌شى نه‌كه‌ین.
سیروان سه‌رحه‌د، قایمقامیەتی قەزای دوکان ئه‌مڕۆ یه‌كشه‌ممه 17ى تەمموز، رایگەیاند، “ئەمڕۆ دوای ئەوەی بەشە بەنزینی 800 دیناری گەیەندرایە قەزای دوکان، لیژنەی سووتەمەنی قائیمقامییەت نمونەی لێوەرگرت و رەوانەی پشکنین کرا، دەرکەوت کوالێتییەکەی زۆر خراپ بووە و کەڵکی ئەوەی نەبووە بەکاربھێنرێت”.
وتیشى: “به‌نزینه‌كه‌مان گەڕانده‌وه و داواکرا لە بەڕێوەبەرایەتی نەوت و کانزاکان لایەنی کەمتەرخەم سزابدرێت”.
گه‌ڕاندنه‌وه‌ى پشكى به‌نزینى 800 دینارى قه‌زاى دوكان بۆ بەڕێوەبەرایەتی نەوت و کانزاکان له‌كاتێكدایه كه به‌شێكى زۆرى شۆفێران گله‌ییان له كواڵتى به‌نزینى 800 دینارى هه‌یه.
