لە تەمەنی 98 ساڵیدا خوێندنی تەواو کرد
SNN
جۆزێپێ پاتێرنۆ خوێندکاری تەمەن ٩٨ ساڵە ئیتاڵی بۆ دووەم جار ئاهەنگی دەرچوونی ساز کرد و بڕوانامەی ماستەری بەدەستهێنا.
پاتێرنۆ ساڵی 2017 لە بەشی فەلسەفە و مێژووی زانکۆی پالێرمۆ دەستی بە خوێندن کرد و دوای دوو ساڵ بڕوانامەی بەکالریۆسی بەدەستهێنا و ئەمساڵیش خوێندنی ماستەری تەواو کرد و بۆ دووەم جار ئاهەنگی دەرچوونی ساز کرد.
ناوبراو بە هۆی هەژاری لەسەردەمی قەیرانی گەورەی دارایی جیهان و دوواتریش جەنگی دووەمی جیهانی لە خوێندن دابڕابوو، پاشانیش بە هۆی کارەوە نەیتوانیبوو بگەڕێتەوە سەر خوێندنەکەی، بۆیە لە تەمەنێکی زۆردا هەنگاوی بۆ هێنانەدی ئەو خەونەی هەڵگرتبوو.
