توركیا بڕیارى ئازادكردنى پهرلهمانتارێكى ههدهپهیدا
ئایسێل توڵوك، پهرلهمانتارى پێشووى ههدهپه | فۆتۆ: Kronos News
SNN
پاش مانهوه لهنێو زیندان بۆ ماوهى حهوت ساڵ و پاش ئهوهى تووشى لهبیرچوونهوه بوو ئهمڕۆ دادگاى باڵاى توركیا بڕیارى ئازادكردنى بۆ ئایسێل توڵوك پهرلهمانتارى پێشووى ههدهپه دهركرد.
سێزگین تانریكئۆڵو، پارێزهر له ههژمارى تایبهتى خۆى له تۆڕى كۆمهڵایهتى فهیسبووك نووسیویهتى، “هاوڕێى سیاسهتمهدارم ئایسێل توڵوك كه له ساڵى 2016هوه له زیندانى كهندیرایه و له ساڵى 2021هوه تووشى لهبیرچوونهوه بووه لهلایهن دادگاى باڵاى توركیاوه بڕیارى ئازادكردنى بۆ دهرچوو”.
ئهو پارێزهره له بهشێكى ترى تویتهكهیدا ئهوهشى خستووهتهڕوو، “پێویسته دهستبهجێ فهرمانهكه جێبهجێبكرێت و ئازاد بكرێت، چونكه له بارودۆخێكى تهندروستى مهترسیداردایه”.
ئایسهل پهرلهمانتارى پێشووى پارتى دیموكراتى گهلان ههدهپه و هاوسهرۆكى پارتی كۆمهڵگهی دیموكراتی (دهتهپه)یه، هاوكات یهكێكه له چاكوانه دیارهكانى توركیا.
بهپێى ههواڵێكى میدیاكانى توركیا، “ههرچهنده بڕیارى ئازادكردنى دهرچووه، بهڵام بههۆى دۆسیهیهكى ترهوه كه لهسهریهتى و یهكلا نهبووهتهوه ئایسێل به ناچارى له ماڵهوه بهدهستبهسهرى دهمێنێتهوه پاش ئازادكردنیشى له زیندان”.
