نوێترین زانیاری لەبارەی بەگەڕخستنی كامێراكانی چاودێری خێرایی هاتووچۆ

SNN-عەلی حەمەسەعید

هەرچەندە تا ئێستا بەفەرمی كامێراكانی چاودێرای خێرایی هاتووچۆ بەفەرمی بەگەڕنەخراون، بەڵام تا ئێستا دووجار لەلایەنكەسانی نەناسراوەوە تەقە لەو كامێرایانە كراوە و زیانێكی زۆری مادیش بەر كۆمپانیای جێبەجێكار كەوتووە، هاتووچۆی سلێمانیش بێئاگایی خۆیان لەبارەی وادەی بەگەڕخستنی ئەوكامێرایانە دووپات دەكەنەوە و كۆپانیای جێبەجێكاریش دەلێت تا ئێستا وەزارەتی ناوخۆ واژووی كۆتایی لەسەر ڕادەستكردنی پرۆژەكە نەكردووە.

بەگوێرەی ئەو بەدواداچوونانەی كە SNN كردوویەتی بە پشتبەستن بەو زانیارییانەی كە لە كۆمپانیای جێبەجێكاری پرۆژەكە دەستیكەوتوون ئەوەخراوەتەڕوو، تا ئێستا لەلایەن وەزارەتی ناوخۆی حكومەتی هەرێمەوە واژووی كۆتایی نەكراوە لەسەر ڕادەستكردنی كامێراكان و گرتنەدەستی كارپێكردنی كامێراكانی چاودێری خێرایی، لەكاتێكدا بەگوێرەی یاسا دەبێت سەرەتا وەزارەتی ناوخۆ ڕەزامەندی دەرببڕێت پاشان كۆمپانیای جێبەجێكار كامێراكان بخاتەكارەوە.

ئاماژەی بەوەشكرد، تا ئێستالەلایەنكەسانی نەناسراوەوە تەقە لەكامێراكانی چاودێری خێرایی هاتووچۆ كراون لەسەر ڕێگای سەرەكی سلێمانی پیرەمەگرون، بەوهۆشەوە بەدەیان هەزار دۆلار زیان بە كۆمپانیاكە كەوتووە و تا ئێستا چوار كامێرایان لەكار خراون بەهۆی تەقەكردنەوە، هاوكات هەردووجارەكەش سكاڵای یاسایی تۆماركراوە و لەدادگا دۆسەی بۆكراوەتەوە.

بەگوێرەی زانیارییەكانی SNN كە لەبەرپرسێكی بەڕێوەبەرایەتی هاتووچۆیپارێزگای سلێمانی وەریگرتوون ئەوەخراوەتەڕوو، تائێستا هیچ وادەیەك دیارینەكراوە بۆ بەگەڕخستنی كامێراكانی چاودێری خێرایی هاتووچۆ ناوسراوبە (پۆینت تو پۆینت)، چونكە تائێستا ئەو كامێرایانە بەفەرمی لە كۆمپانیا وەرنەگیراون و نەشبەستراوەنتەوە بە سێرڤەرەوە، بۆیە هیچ كامێرایەك نەكەوتووەتەكار و هیچ ئاماژەیەكیش نییە بۆ ئەوەی بزانرێت كەی دەكەوێتە كار.

ئاماژەی بەوەشكرد، بۆئەوەی ئەو كامێرایانە بەفەرمی بكەونەكار، دەبێت وەزارەتی ناوخۆ لە رێگەی بەڕێوەبەرایەتییەكانی هاتووچۆ رێنمایی بۆ دانانی كامێراكان دەربكات، دواتر وەرگرتنی سەرەتایی بۆ بكات ئەوكات تێست دەكرێت و قۆناغ بە قۆناغ دەكەوێتەكار، بەڵام تا ئێستا وەزارەتی ناوخۆ ئەو ڕێكارانەی نەگرتووەتەبەر بۆ بەگەڕخستنی ئەو كامێرایانە.