ساتی رزگارکردنی بەشێک لە کۆچبەرانی یەختە نوقومبووەکەی دورگەی (کیثیرا ) لە یۆنان

snn-

دەزگای لوتکە بۆ کاروباری ئاوارە و پەنابەران ساتی رزگارکردنی ژمارەیەک کۆچبەری یەختەکەی دورگەی (کیثیرا)ی بڵاوکردەوە کە شەوی رابردوو بە 95 کۆچبەرەوە ژێر ئاو کەوت.

کاتژمێر 2:47 شەوی ڕابروو یەختێک لە نزیک دورگەی (کیثیرا ) بە 95 کۆچبەرەوە ژێر ئاو کەوت.

شێخ حسێن نوێنەری دەزگای لوتکە لە یۆنان رایگەیاند، تا ئێستا 80 کۆچبەر ڕزگار کراون و چەندین تەرمیش دۆزراونەتەوە ، کە بە هۆی ئاستەنگییەکانی شوێنەکە و گیرخواردنی کۆچبەرەکان بە زەحمەت توانراوە ڕزگار بکرێن.

راشێگەیاند، بە پێی زانیارییە سەرەتاییەکان و بە پێی وتەی ڕزگار بووەکان کۆچبەرەکان لە ڕەگەزی عیراقی و ئەفغانیی بوون کە بە هۆی خراپی تەندروستییانەوە 11 کۆچبەر ڕەوانەی نەخۆشخانە کراون و لە ژێر چاودێری چڕدان.

هەر بە پێی زانیارییەکانی دەزگا لوتکە، بە هۆی هەڵکردنی بایەکی بەهێزەوە یەختەکە خۆی بە بەردێکی گەوری ناو دەریاکەدا کێشاوە و بەو هۆیەوە یەختەکە تێکشکاوەو ژێر ئاو کەوتوە کە تا ئێستا پۆلیسی کەناراوەکانی یۆنان لە گەڕان بەردەوامن.