لە هەولێر زاوايەک لەلايەن ماڵی خەزورانييەوە کوژرا

SNN

پۆليسی هەولێر رايگەياند: ئەمڕۆ زاوايەک کە خاوەنی پێنج منداڵە و تەمەنی 42 ساڵە لەلايەن ماڵی خەزوريەوە کوژراوە.

پۆليسی هەولێر لە راگەيەندراوێکدا بڵاويکردەوە: ئەمڕۆ، بەڕێوەبەرایەتی پۆلیسی پارێزگای هەولێر ئاگادارکرانەوە بەبوونی ڕووداوێکی کوشتن لە شەقامی کوران، دەست بەجێ تیمێکی لێکۆڵەر لە بەڕێوەبەرایەتی پۆلیسی پارێزگای هەولێر گەشتنە شوێنی ڕووداو و دەست بە لێکۆڵینەوە کرا.

راشيگەياند: لەلێکۆڵینەوەکان دەرکەوت کە هاووڵاتییەک بەناوی (شوان عمر قادر) تەمەن  42ساڵ، خاوەنی پێنج منداڵە، لەلایەن کوڕێکی خەزوریەوە کوژراوە لەسەر کێشەی کۆمەڵاییەتی.

پۆليسی هەولێر باسی لەوەشکردووە: لەکاتی ئێستادا هێزەکانی پۆلیس سەرقاڵی لێکۆڵینەوەن بۆ ئەوەی بکەری تاوانەکە دەستگیر بکەن وە پەڕاوی لێکۆڵینەوەش ڕێکخراوە بۆ ئەوەی ڕێڕەوی یاسایی بەرامبەر تۆمەتبار بگیرێتە بەر.