ئهمڕۆ شیاع سوودانى واژووى رهشنووسى بودجه دهكات
محهمهد شیاع سودانى، سهرۆكوهزیرانى عێراق | فۆتۆ: SNN
SNN
ئهندامێكى لیژنهى دارایی له ئهنجوومهنى نوێنهرانى عێراق رایدهگهیهنێت، ئهمڕۆ ئهنجوومهنى وهزیران واژوو لهسهر رهشنووسى پرۆژهیاساى بودجهى 2023ى عێراق دهكات، دهشڵێت: “پشكى ههرێم به 12٪ى بودجه دیاریكراوه”.
ئهمڕۆ سێشهممه 7ى ئازار، موعین كازمى، ئهندامى لیژنهى دارایی له ئهنجوومهنى نوێنهرانى عێراق له نوێترین لێدوانى میدیاییدا رایگهیاند، “ئهمڕۆ ئهنجوومهنى وهزیران كۆدهبێتهوه و واژوو لهسهر رهشنووسى پرۆژهیاساى بودجهى عێراق دهكهن و رهوانهى ئهنجوومهنى نوێنهرانى دهكهن”.
له بهشێكى ترى قسهكانیدا ئهندامهكهى لیژنهى دارایی له ئهنجوومهنى نوێنهرانى عێراق ئهوهشى خستهڕوو، “سهرهتاى ههفتهى داهاتوو پرۆژهیاساكه رهوانهى ئهنجوومهنى نوێنهران دهكرێت، پاشان دهستدهكرێت به پێداچوونهوه پێیدا، پاش پێداچوونهوهى لیژنهكان و ههموار كردنهوهى له مانگى نیساندا دهستبه خوێندنهوهى یهكهم دهكرێت”.
له وهڵامى ئهو پرسیارهى ئایا قهبارهى پرۆژهیاساكه چهنده بۆ ساڵى 2023؟ موعین كازمى وتیشى: “قهبارهى پرۆژهیاساى بودجه 170 ترلیۆن دیناره”.
لهبارهى پشكى ههرێم ئهو ئهندامهى لیژنهى دارایی له ئهنجوومهنى نوێنهرانى عێراق دهشڵێت: “پشكى ههرێم به 12% دیارى كراوه، بهڵام بۆ ئهوهى بهغدا پابهند بێت به پێدانى بهشه بودجهى ههرێم پێویسته حكومهتى ههرێمى كوردستان داتاكانى
