کەشناسی سلێمانی وادەی کۆتاییهاتنی شەپۆلی بارانبارینی راگەیاند

SNN-

به‌ڕێوه‌به‌ری فه‌رمانگه‌ی كه‌شناسی سلێمانی راگه‌یاند: لە ماوەی 24 کاتژمێری رابردوودا 104 ملم باران باریوە ئەو شەپۆلی بارانبارینە بەلێزمەیەی ناوچەکەی گرتووەتەوە، کاریگەرییەکەی بەم شێوەیەی ئێستا تا دوای نیوەڕۆ بەردەوام دەبێت.

ئاسۆ کەمال، بەڕێوەبەری کەشناسی سلێمانی باسی لەوەشکرد، لە درەنگانی شەو بەدواوە شەپۆلەکە بەتەواوی کۆتایی پێدێت و سبەینێ هەینی ئاسمان ساماڵ دەبێت، له‌ناو سه‌نته‌ری شاری سلێمانی 104 ملیمه‌تر بارانباریوه‌، كۆی گشتی گه‌یشتووه‌ته‌ 454 ملیمه‌تر، ساڵی رابردوو تا ئێستا 336 ملیمه‌تر بارانباریبوو.

ماوەی دوو رۆژە شەپۆلێکی بارانبارین پارێزگای سلێمانی و ناوچەکانی دەوروبەری گرتووەوە، بەهۆیەوە ئەمڕپێنجشەممە لە ناوەندەکانی خوێندنی سلێمانی، هەڵەبجە، ئیدارەی گەرمیان، چەمچەماڵ و پێنجوێن پشوو راگەیەندرا.