سبەینێ خۆرگیران روودەدات

SNN-

سبەی پێنجشەممە یەکەم دیاردەی گەردوونی ئەمساڵ روودەدات ئەویش خۆرگیرانی تەواوە، بەڵام هەرێمی کوردستان و عێراق ناگرێتەوە.

رێکخراوی فەلەکناسی کوردستان لە راگەیەندراوێکدا ئاماژەی بەوەکردووە،  لە کاتژمێر 4:34ی بەرەبەیانی سبەینێ پێنجشەممە دیاردەی خۆرگیرانی تەواو روودەدات ولە کاتژمێر 9:59ی بەیانی کۆتایی پێ بێت، ماوەی تەواوی دیاردەکە پێنج کاتژمێر و 25 خولەک دەخایەنێت.

بە گوێرەی راگەیەندراوەکە، خۆرگیرانەکە وڵاتانی باشووری رۆژهەڵاتی ئاسیا و ئوسترالیا و زەریای هێمن و زەریای هیندی و جەمسەری باشور دەگرێتەوە و رێژەکەشی لە فلیپین 50٪ دەبێت و لە ئوسترالیا 55٪ و لە تایلەند و نیوزلەندا 30٪ دەبێت، بەڵام هەرێمی کوردستان و عێراق ناگرێتەوە.

رێکخراوەکە دەشڵێت:” رۆژی 5 ئایاری ئەمساڵ دیاردەی مانگیرانی نیمچەیی روودەدات و ئەگەری هەیە هەرێم و عێراق بگرێتەوە”.