منداڵێکی تەمەن 12ساڵ لە سەرچاوەی ئاوی زەڵم خنکا
عەلی حەمەسەعید-SNN
ئیوارەی ئەمڕۆ هەینی لەسەیرانگای زەڵم کچێکی تەمەن 12 ساڵ بەهۆی کەوتنە ناو ئاوی سەرچاوەی زەڵم خنکا.
مقەدەم، بەرزان عوسمان محەمەد، وتەبێژی پۆلیسی هەڵەبجە بەSNN-ی ڕاگەیاند: ئێوارەی ئەمڕۆ هەینی لەسەیرانگای زەڵم منداڵێکی تەمەن 12 ساڵ کە لەنەتەوەی عەرەبەو دانیشتوی پارێزگای سلێمانی بەناوی “ڕحیق فواد ساڵح” دانیشتوی گەڕەکی بەختیاری پارێزگای سلێمانییە و خەڵکی پارێزگای ئەنبارە کەوتوەتە ناو ئاوی سەرچاوەی زەڵم و بەهۆیەوە خنکاوە.
وتەبێژی پۆلیسی هەڵەبجە ئاماژەی بەوەشکر، دوای گەڕانێکی زۆر لەلایەن دانیشتوانی ناوچەکە و لایەنە پەیوەندیدارەکان، تەرمەکەی بەخنکاوی دۆزرایەوە ڕەوانەی پزیشکی دادی هەڵەبجە کرا و دۆسیەی لێکۆڵینەوەی لە بنکەی پۆلیسی خورماڵ بۆ رێکخراوە.
