واده‌ى هاتنى شه‌پۆلێكى نوێى خۆڵبارین راگه‌یه‌نرا
دیمه‌نێكى خۆڵبارین له سلێمانى | فۆتۆ: SNN
SNN
شاره‌زایه‌كى كه‌شناسى عێراق رایده‌گه‌یه‌نێت، رۆژى یه‌كشه‌ممه كاریگه‌رى شه‌پۆلى خۆڵبارین كۆتایی دێت و رۆژى دووشه‌ممه شه‌پۆلێكى نوێى خۆڵبارین ده‌ستپێده‌كات.
ئه‌مڕۆ هه‌ینى 26ى ئایار، ڕیاز قوڕه‌یشى، شاره‌زای كه‌شناسى عێراق رایگه‌یاند، “كاریگه‌رییه‌كانى شه‌پۆلى خۆڵبارین ئه‌مڕۆ كه‌مده‌بنه‌وه، به‌ڵام له باشوور و ناوه‌ڕاستى وڵات خۆڵبارین به‌رده‌وامى ده‌بێت، له به‌ره‌به‌یانى رۆژى یه‌كشه‌ممه‌ى داهاتوو كاریگه‌ریى شه‌پۆلى خۆڵبارین به‌ته‌واوه‌تى نامێنێت”.
ئه‌و شاره‌زایه‌ى كه‌شناسى ئاشكراشیده‌كات كه “شه‌پۆلێكى نوێى خۆڵبارین” روو له عێراق ده‌كات و له‌باره‌ى واده‌كه‌یه‌وه ده‌ڵێت: “رۆژى دووشه‌ممه 29ى ئایار، شه‌پۆلێكى نوێى خۆڵبارین عێراق ده‌گرێته‌وه”.
به وته‌ى ئه‌و شاره‌زایه‌ى كه‌شناسى، “ئه‌گه‌رى هه‌یه هاوكات له‌گه‌ڵ شه‌پۆلى خۆڵبارین شه‌پۆلى بارانبارین به‌شێك له ناوچه‌كانى عێراقیش بگرێته‌وه”.
