” هەژماری من لای عێراق پڕۆژەیەكی باوەڕپێکراو نییە”
هەژماری بانکی لە هەرێم
SNN
بە وتەی ئەندامێکی لیژنەی دارایی پەرلەمانی عێراق، بەغدا پشت بە سیستمی هەژماری من نابەستێت و دەبێت مووچەخۆرانی هەرێم لە بانکە حکومیەکانی سەر بە حکومەتی فیدڕاڵ هەژماری ئەلیکترۆنیان هەبێت.
مستەفا خەلیل، ئەندامی لیژنەی دارایی لە پەرلەمانی عێراق، لە لێدوانێکدا ڕایگەیاندووە، بەپێی بڕ‌یارەكەی دادگای فیدڕاڵی پێویستە مووچەخۆرانی هەرێم لە بانكە حكومییەكانی سەر بە وەزارەتی دارایی هەژماری ئەلیكترۆنییان هەبێت.
ئەوەشی خستەڕوو، بۆ كردنەوەی هەژمار لە بانكە حكومییەكانیش پێویستە حكومەتی هەرێم لیستی ناو و ناونیشانی وەزیفی و بڕ‌ی مووچەی سەرجەم مووچەخۆران بۆ وەزارەتی دارایی عێراق بنێرێت.
ئەو ئەندامەی لیژنەی دارایی پەرلەمانی عێراق ئاماژەی بەوەشکرد، هەر هەژمارێكی دیكە، كە لە بانكە ئەهلییەكانی هەرێمی كوردستان كرابێتەوە بۆ وەزارەتی دارایی عێراق باوەڕ‌پێكراو نییە، بە جۆرێك هەژماری من لای عێراق پرۆژەیەک نییە بتوانێت پشتی پێببەستێت.
