سهدر ههڵمهتى كۆكردنهوهى هاوكارى بۆ غهزه راگهیاند
وێنهى موقتهدا سهدر له تهنیش بهشێك لهو هاوكارییانهى كه شهوى 10ى ئازار بۆ هاووڵاتیانى غهززه كۆكرانهوه | فۆتۆ: BT
SNN
رێبهرى رهوتى سهدر له عێراق دوێنێ شهو 10ى ئازار، ههڵمهتێكى كۆكردنهوهى هاوكارى بۆ هاووڵاتیانى غهزه راگهیاند و وێنهى خۆشى له تهنیش ئهو هاوكارییانهى كۆكراونهتهوه بڵاوبوویهوه.
موقتهدا سهدر، رێبهرى رهوتى سهدر له عێراق له مزگهوتى فاتیمهى زههراوه له نهجهف ههڵمهتهكهى راگهیاند و پهیامێكیشى لهبارهوه بڵاوكردهوه و رایگهیاند، “ئێستا كاتى ئهوهیه لهپاڵ گهلى غهزهى خۆشهویست بوهستن كهبهدهست ئهمریكا و ئیسرایلهوه دهناڵێنن، ئهمهش به كۆكردنهوهى هاوكارى دهبێت بۆ گهلى غهزه”.
له پهیامهكهدا رێبهرى رهوتى سهدر ئهوهشى خستووهتهڕوو، “گهلى فهڵهستین بههۆى ئهو گهمارۆیهى خراوهتهسهریان بۆ ژهمێك نان دهناڵێنن بۆیه پێویسته ئێمهش دهرگاى بهخشین بكهینهوه به روویاندا”.
ههڵمهتهكهى رێبهرى رهوتى سهدر تاوهكو رۆژى پێنجى رهمهزان بهردهوام دهبێت و ههموو جۆره كۆمهكێك لهخۆى دهگرێت.
بڵاوبوونهوهى وێنهى رێبهرى رهوتى سهدر له پاڵ هاوكارییهكاندا، بووهته جێگهى باسى تۆڕه كۆمهڵایهتیهكان، بهو پێیهى بڕى ئهو هاوكارییانهى كه كۆكراونهتهوه و له وێنهكهدا دیارن زۆر كهمن.
