وەزیری دەرەوەی یۆنان، “تورکیا دەبێت گفتوگۆ بکات یان سزای بەسەردا دەسەپێنرێت”
وەزیری دەرەوەی یۆنان
SNN
نیکۆس دیندیاس وەزیری دەرەوەی یۆنان رایگەیاند: کارتەکانی بەردەم تورکیا تەنیا دوو دانە ماوە ئەویش ئەوەیە، کە گفتووگۆ و دانسوتان بکات لەسەر رۆژهەڵاتی دەریای سپی یاخود یەکێتی ئەوروپا سازی توندی بەسەردا بسەپێنێت.
نیکۆس ئاماژەی بەوەکردووە، بروا ناکەم وڵاتی تورکیا و سەرۆکەکەی رووبەڕووی داگای لاهای ببنەوە، بۆیە دەبێت تورکیا دانوستان لەسەر رۆژهەڵاتی دەریای سپی ناوەڕاست بکات و دەستدرێژییەکانی بۆ سەر وڵاتانی ناوچەکەش راگرێت.
بەهۆی ئەو گەڕان و پشکنینانەی تورکیا بەدوای نەوت و غازدا کە لە دەریای سپی ناوەراست ئەنجامی دەدا لە رێگەی کەشتییەکی تایبەتەوە و ئەنجامدانی مانۆڕە سەربازییەکەی لە نزیک وڵاتی یۆنان، هەردوو وڵات سوپایان خستە حاڵەتی ئامادەباشی و کار گەیشتبووە ئەوەی کە جەنگ لەنێوان ئەو دوو وڵاتەدا رووبدات، بەڵام بە فشارەکانی فەڕەنسا و ئەمریکا تورکیا کەشتییەکەی گەڕاندەوە بەندەرەکانی خۆی.
