یەکێتیی ئەوروپا سزای بەسەر تورکیا سەپاند

SNN

دوای ئەوەی فەرەنسا داوای لە یەکێتیی ئەوروپاکرد سزا بەسەر تورکیا بسەپێنێت لە بەرامبەر هەڵسوکەوتەکانی حکومەتەکەی بەتایبەت لە دەریای ناوەڕاست، یەکێتیی ئەوروپا سزای بەسەر کۆمپانیایەکی تورکیدا سەپاند کە تۆمەتبارە بە پێشێلکردنی بڕیارێکی نەتەوەیەکگرتووەکان.

ئەو کۆمپانیا تورکیا (ئەڤریاس بۆ گواستنەوە) تۆمەتبارە بە پێشێلکردنی بڕیاری قەدەغەکردنی گواستنەوەی چەک بۆ لیبیا، هەروەها لە مانگی حوزەیرانی رابردوودا تووشی رووداوێک بووە لەگەڵ کەشتییەکی فەڕەنسای هاوئەندام لە ناتۆ.

ئەنقەرە لە رابردوودا رەتیکردووەتەوە لە بەقاچاغبردنی چەک بۆ لیبیا تێوەگلابێت و رایگەیاندووە: “کەشتییەکە هاوکاری مرۆیی بۆ هاووڵاتییانی لیبیا هەڵگرتبوو”.
بەڵام نوسینگەی رۆژنامەنووسی یەکێتیی ئەوروپا وتوویەتی: “کەشتییەکە لە نێوان مانگەکانی ئایار بۆ حوزەیرانی ئەمساڵدا چەکی بۆ لیبیا گواستووەتەوە”.

سزاکە لەسەر داوای فەرەنسا بووە کە رایگەیاندووە لە 10ی حوزەیراندا، ئەو کەشتیە بارهەڵگرەی تورکیا بەرەو لییا رۆیشتووە، سێ کەشتی دیکەی هێزی دەریایی تورکیاش پاسەوانی کردووە دواتر ئەو سێ کەشتییە رووبەڕووی کەشتییەکی فەڕەنسا بوونەتەوە کە لە ئەرکێکی ناتۆدا بوون، بە وتەی وەزارەتی بەرگری فەڕەنسا، کەشتیوانی کەشتییە بارهەڵگرەکە زەنگی سووری ئاگادارکردنەوەیان هەڵکردووە و هێلەکی گولەنەبڕیان پۆشیووە.