ئەفسەرێکی کورد دەکرێتە بەڕێوه‌بەری هەواڵگری کەرکوک
شارى كه‌ركوك | فۆتۆ: كه‌ركوك ناو
بە بڕیارێکی وەزارەتی ناوخۆی عێراق ئەفسەرێکی کورد دەکرێتە بەڕێوه‌بەری هەواڵگری و نەهێشتنی تیرۆری کەرکوک لەشوێنى ئەفسەرێکی تورکمان.
بەپێی نووسراوێک کە ئەمڕۆ پێنجشه‌ممه لەلایەن وه‌زارەتی ناوخۆوە دەرچووە، عەمید ئۆرهان خەلیل، لە پۆستی بەڕێوه‌بەری هەواڵگری کەرکوک دورخراوەتەوە کە لە پێکهاتەی تورکمانە و لە شوێنەکەی ئەفسەرێکی کورد دانراوە”.
لە نووسراوەکەدا هاتووە، “عەمید کاوە حەسەن، ئەفسەر لە فەرماندەیی هێزەکانی سنوور گوازراوەتەوە بۆ کەرکوک و پۆستی بەڕێوه‌بەری هەواڵگری پێدراوە”.
عەمید کاوە حەسەن لە پێکهاتەی کوردە و فەیلیە و خەڵکی شاری خانەقینە، پێشتریش پۆستی دیکەی لە سنووری پارێزگای کەرکوک هەبووە.
