یەكەم پێشانگای كشتوكاڵی و بەرهەمە خۆماڵییەكان لە هەڵەبجە بەڕێوەچوو
پێشانگای کشتوکاڵی- فۆتۆ عەلی حەمە سەعید
SNN-عەلی حەمە سەعید
بە لەبەرچاوگرتنی ڕێنماییە تەندروستییەكان و بە ئامادەبوونی ژمارەیەكی زۆر لە بەرپرسان و پەرلەمانتاران و هاووڵاتییان و چین و توێژە جیاوازەكان، بەسەر پەرشتی یەكێك لە جوتیارە نموونەییەكانی پارێزگای هەڵەبجە یەكەم پێشانگای كشتوكاڵی بۆ نمایشكردنی بەرووبوومە خۆماڵییەكان بەڕێوەچوو بڕیاریشە سبەی پێشانگاكە بەردەوامی هەبێت.
ئازاد محەمەد، یەكێك لە جوتیارە نموونەییەكانی هەڵەبجە و سەرپەرشتیاری ڤیستیڤاڵەكە بە SNNی ڕاگەیاند: جیاواز لە ساڵانی ڕابردوو ئەمساڵ تەنها بەرووبوومە خۆراكی و كشتوكاڵییەكانی خۆمم نمایش نەكرد بەڵكوو پێم باش بوو كە ژمارەیەك لە جوتیارانیش بێنە پێشانگاكە و بەرهەمەكانیان نمایش بكەن ئەوەش بە لەبەرچاوگرتنی ڕێنماییە تەندروستییەكان.
ئاماژەی بەوەشكرد، لە پێشانگاكەدا بە سەدان تۆن بەرووبوومی هەمە جۆرەی كشتوكاڵی و خۆراكی جوتیارانی خۆماڵی سنورەكە نمایشكراون سبەی هەینیش پێشانگاكەمان بەردەوامی دەبێت.
