لەسەر داوای تورکیا ئاسایشی سوید پەنابەرێکی کورد دیپۆرت دەکاتەوە

SNN

ساڵی پار ئەم کاتانە پەناخوازێکی کورد لەلایەن پۆلیسی ئاسایشی سویدەوە لەسەر داوای حکومەتی تورکیا دیپۆرت کرایەوە بۆ تورکیا و مافی پەنابەریی لێ سەندرایەوە.

بە وتەی پارێزەری پەناخوازەکە لەو کاتەوە تا ئێستا ئەو گەنجە کوردە لە ژووری تاکەکەسی بەندیخانەدایە و هێشتا پرۆسەی دادگاییەکەی دەستی پێنەکردووە.

بەپێی هەواڵێکی رادیۆی کوردی سوید، دەزگای (Säpo) یان ئاسایشی سوید ئەو گەنجەی بە هەڕەشە بۆ سەر وڵاتەکەی ئەژمار کردووە.

پێشتریش حکومەتی تورکیا داوای لە سوید کردووە گەنجە کوردەکەی رادەست کاتەوە لەبەرئەوەی وەک خۆیان وتوویانە، دەستی هەبووە لە کوشتنی سەربازانی سوپای تورکدا.

دایکی ئەو گەنجە کوردە کە تەمنی 23 ساڵانە، دەڵێت: “بۆ یەک رۆژیش بێت ئاواتی ئەوەیە بە بێ کێشە خەو لە چاوەکانی بکەوێت لە تاو کوڕەکەی”.