دوو بیری نەوت لە پارێزگای کەرکوک تەقێنرانەوە

SNN

سەرچاوەیەک لە پۆلیسی شاری کەرکوک رایگەیاند “ئەمڕۆ شەممە چەند چەکدارێکی سەربە گرووپی داعش دوو بیرە نەوتیان لە باکوری خۆرئاوای شارەکە کردووەتە ئامانج”.

سەرچاوەکەی پۆلیسی کەرکوک دەڵێت: “داعش هەردوو بیرە نەوتی ژمارە 159 و 154ی سەربە کێڵگەی نەوتیی بای حەسەنی کردووەتە ئامانج کە دەکەوێتە قەزای دوز لە خۆرئاوای کەرکوک”.

ئەو بیرە نەوتییانە لە ئێستادا لەلایەن خەڵک و دانیشتوانی ناوچەکەوە پاسەوانیی دەکرێن و لە چوارچێوەی گرێبەستێکی کارکردندا رۆژانە ئەو بیرە نەوتانە دەپارێزن.