ساڵانە دوو هەزار کەس لە بەسرە بە هۆی پیسبوونی هەواوە تووشی شێرپەنجە دەبن
كێڵگهیهكى نهوتیی له عێراق | فۆتۆ: AP
SNN
فەرمانگەی ژینگەی باشوری عێراق رایگەیاند: ساڵانە دوو هەزار حاڵەتی تووشبوون بە شێرپەنجە لە بەسرە تۆمار دەکرێن و هۆکارەکەشی ئەو غازە ژەهراویانەیە کە لە رێگەی گڕی کێڵگە نەوتییەکانەوە بڵاو دەبێتەوە.
وەلید حەمید بەڕێوەبەری فەرمانگەی ژینگەی باشور رایگەیاندوە: ” گڕی کێڵگە نەوتییەکانی بەسرە کە رێژەیەکی زۆر غازی ژەهراوییان تێدایە هۆکارێکی سەرەکییە بۆ تووشبوون بە شێرپەنجە لەو پارێزگایە”.
وتیشی: “بەپێی ئامارەکانی تەندروستی ساڵانە نزیکەی دوو هەزار حاڵەتی تووشبوون بە شێرپەنجەی سییەکان و جۆرەکانی تری شێرپەنجە لە بەسرە تۆمار دەکرێن”.
بەڕێوەبەری فەرمانگەی ژینگەی باشور جەختیشی کردەوە: “بۆ کۆنتڕۆڵکردنی پیسبوونی هەوا پێویستە کۆمپانیا نەوتییەکان رێکار و رێنماییە ژینگەیی و تەندروستییەکان جێبەجێ بکەن” و لەو رووەشەوە داوای لە وەزارەتی نەوت کرد: “چاودێری جێبەجێکردنی ستانداردەکانی تەندروستی بکەن لە کێڵگە نەوتییەکان، بۆ ئەوەی رێژەی تووشبوون بە شێرپەنجە کەمبکرێتەوە”.
