سۆمۆ: هەرێم پابەندی رێککەوتنی ئۆپیک پڵەس نییە

SNN

یاریدەدەرى بەڕێوەبەرى کۆمپانیاى سۆمۆى عێراقى ڕایگەیاند: بەهۆى پابەندنەبوونى هەرێم بەڕێککەوتنى ئۆپیک پڵەسەوە، قەرەبووەکانى سەر عێراق کەڵەکە بووە.  

عەلى نزار لە لێدوانێکیدا بۆ ئاژانسى هەواڵى عێراقى باسی لەوەکرد: “بەهۆی پابەندنەبوونی هەرێمی کوردستان بە رێککەوتنی ئۆپێک پڵەس، دەبێت عێراق مانگانە شەش ملیۆن بەرمیل نەوت لە ئاستی هە‌ناردەی نەوتی خۆی کەمبکاتەوە”.

باسی لەوەشکرد: پەرلەمانی عێراق شەرعیەتی بە هەرێمی کوردستان داوە پابەند نەبێت بە رێککەوتنی ئۆپێک پڵەسەوە.

ناوبراو وتیشی: “لە رێککەوتنی ئۆپێک پڵەسدا، پشکی عێراق لە وەبەرهێنانی نەوتدا بڕی سێ ملیۆن و 950 هەزار بەرمیل نەوتی رۆژانەیە. بەپێی پشکی ئۆپێک پڵەس، ئاستی هەناردەی نەوتی عێراق لە دوو ملیۆن و 950 هەزار بەرمیلەوە دەبێت بە 3 ملیۆن بەرمیل.